Montessori Compostela
Escuela Activa de base Montessori
Nome anterior: Proxecto Querounhaescola.
Montessori Compostela é un colexio internacional trilingüe de segundo ciclo de Educación Infantil (3 a 6 anos) e Educación Primaria (6 a 12 anos). Está situado no barrio de Sar, na Colexiata de Sar.
Iniciamos no curso 2016/ 2017 con Infantil (3 – 6) e Primaria (6 – 9). A partir do seguinte curso 2017/2018, para garantir a continuidade do alumnado, abriranse as prazas para idades 9-12.
Montessori Compostela é un colexio laico e independente, no que a seguridade emocional e o máximo desenvolvemento das potencialidades de cada estudante son os piares que soportan todas as actividades docentes.
A dirección do centro está a cargo de profesionais acreditadas pola Asociación Montessori Internacional –AMI, e o equipo docente responde a un perfil que ten en común a formación universitaria, experiencia profesional, certificación Montessori recoñecida e calidade humana.
